Battle royale-i i Treyarch mund të rikthehet sërish, pasi Blackout raportohet të vijë gjatë lançimit të Call of Duty 2020.
Pavarësisht suksesit të Infinity Ward me battle royale-in Warzone, ka qenë Blackout battle royale-i i parë i një loje Call of Duty. Treyarch e solli këtë në 2018 dhe teksa kishte një fillim të mirë, filloi të shuhej rrugës. Gjithsesi, duket se ajo ka në plan të bëjë një rikthim.
“Blackout do të rikthehet në një farë forme me Black Ops këtë vit,” shkruajti Jeff Grubb nga Venture Beat në një tweet të datës 9 qershor. Nuk mund të themi ekzaktësisht se në çfarë forme do të vijë kjo. Mund të jetë një version i ripunuar i lojës ose i njejti si më parë.
Black Ops 4 u lançua në 2018n. Që nga ajo pikë Treyarch ka patur për detyrë të zhvillojë CoD e ardhshëm në vetëm dy vite, në dallim nga cikli tre-vjeçar që ka Infinity Ward dhe Sledgehammer Games.
Rikthimi në rrënjët e tyre me sjellien e battle royale-it të vjetër, mund të ndihmojë shumë ecurinë e tyre në këtë kohë kaq të kufizuar.
Blackout ishte tentativa e parë e battle royale-it në seritë e CoD, por Warzone e eklipsoi shumë suksesin e saj pas lançimit në 10 mars të 2020s. Si rezultat është e mundur edhe që Blackout dhe Warzone të integrohen së bashku në një pikë.
Për momentin, Warzone duket të jetë akoma prioriteti për Activision Blizzard. Season 4 erdhi mbrëmë dhe loja duket të jetë në një moment mjaft të mirë.