Black Panther i Marvel është tashmë i disponueshëm si skin në Fortnite. Ju mund të merrni atë, Captain Marvel dhe Taskmaster si pjesë e Marvel Royalty and Warriors Pack, që kushton $24.99.
Epic e kishte sugjeruar ardhjen e këtij skini që me lançimin e Wakandan Salute emote të hënën në mëngjes. Plus e gjithë paketa ishte bërë leak që më parë.
Gjatë sezonit të fundit të Fortnite, që kishte tematikën e Marvel, një statujë e madhe e Black Panther u paraqit në hartë. Lojtarët mund të gjenin edhe Black Panther Superpower. Gjasat janë që skini i Black Panther është synuar të lançohej që sezonin e shkuar, por u shty për shkak të vdekjes së papritur të Chadwick Boseman.
Raportohet se Marvel po planifikon një vazhdim të Black Panther, që do të dalë në 2022, por nuk do të përzgjedhë një aktor tjetër për rolin e Boseman.