Mode i ri është tanimë në Early Access
Mode i ri është tanimë në Early Access
Zhanri battle royale është kudo. Mbase nuk është një formë e re e lojës online, por lojra si PUBG dhe Fortnite padyshim që e kanë çuar këtë zhanër në nivele të papara më parë të popullaritetit. Me numrin e lojrave që përfshijnë këtë zhanër – duke përfshirë këtu suksesin e Call of Duty: Blackout – një tjetër lojë i është bashkuar listës: Black Desert Online.
Zhvilluesit e Black Desert Online sapo zbuluan për publikun e gjërë Shadow Arena: një vend që tani është në Early Access. Studioja Pearl Abyss thotë: “Shadow Arena është një mode i ri i cili vendos 50 lojtarë përballë njëri-tjetrit duke luftuar për mbijetesë. Mblidhni rezerva dhe luani më mirë se kundërshtarët tuaj për të qenë personi i fundit që mbijeton. Lojtarët e nisin ndeshjen si një ‘Black Spirit‘, një fantazmë fluturuese e cila gjatë lojës mund të pushtojë trupat e një prej klasave që mund të luhen në Black Desert Online.”
Më poshtë mund të shikoni videon zyrtare:
Gjatë Early Access, ju keni mundësi të luani si Warrior, Sorceress, Tamer, Valkyrie, Wizard, Witch, Dark Knight ose Mystic. Kjo i lejojnë lojtarët 9 mënyra të ndryshme loje, në mënyrë që kushdo të ketë mundësi të luajë në mënyrën e tij unike.
Studioja shtoi: “Duke u endur rreth arenës dhe gjetur klasin e preferuar, lojtarët mund të mbledhin aftësi, armë, armatura, aksesorë dhe sende të veçanta si ndriçuesë, ilaçe, kurthe dhe më shumë. Është thelbësore që lojtarët të marrin aftësitë dhe sendet e duhura për t’u përballur me kundershtarët.”
Në qoftë se keni dëshirë të mësoni më shumë dhe t’a provoni vetë këtë mode, loja është falas për 7 ditë duke klikuar këtu.