BitTorrent Inc njihet më së shumti për klientët e tij file-sharing, por pas blerjes së tij nga TRON, ka në plan ta zgjerojë repertorin. Dje kompania njoftoi “BitTorrent Live,” një platformë e medias sociale për live streaming, e cila do të jetë së shpejti gati për testimin në beta. Si për ironi plaforma e re nuk do të përdorë teknologjinë BitTorrent për të transmetuar videot.
Shumica e njerëzve e njohin BitTorrent Inc për uTorrent dhe klientët e BitTorrent, që kanë një bazë mujore përdoruesish diku te 100 milionë përdorues.
Kompania ka tentuar të lançojë aplikacione dhe shërbime të tjera me kalimin e viteve që të shtojë pak diversitet në shërbimet e saj, por këto tentativa nuk kanë qenë shumë të suksesshme.
Brandi “BitTorrent Live” nuk është i ri. Një shërbim i ngjashëm u prezantua me publikun në 2013n, por pas eventeve të caktuara u anullua si plan. Gjithsesi BitTorrent Live i ri premton të jetë diçka krejt ndryshe.
Platforma e re do të operojë si një rrjet i medias sociale të cilën njerëzit mund ta përdorin për të transmetuar kontent live nga dhe në paisjet mobile, kudo ku kanë një lidhje interneti.
“Imagjino të jesh duke folur me atletin tënd të preferuar, të përfshihesh n[ një koncert fantastik ose të takosh miq të rinj me të cilët ndan pasionet e tua. Të gjitha këto falë një aplikacioni. BitTorrent Live,”thotë CEO i BitTorrent, Justin Sun.
“Duke përdorur teknologjinë tonë të decentralizuar, ne synojmë të krijojmë një internet pa kufinj, por njëkohësisht të jemi të përfshirë në eksperienca të reja.” Shton ai.
Aplikacionet live streaming nuk janë ndonjë gjë e re në fakt. Shumë platforma të tjera të medias sociale tashme e kanë inkorporuar këtë si tipar. BitTorrent Live premton të jetë ndryshe gjithsesi, me një fokus të fortë në privatësinë e përdoruesit.
“Në muajt e ardhshëm, BitTorrent live do të inkorporojë teknologjinë blockchain, që i kthen përdoruesve privatësinë dhe pronësinë, teksa në të njejtën kohë do të përdorë cryptocurrency si një metodë të re pagese,” thotë BitTorrent Inc.
Problemi është se për momentin nuk ka ende asgjë për të testuar. Kompania ka hapur dyert që testuesit e versionit beta të mund të aplikojnë, por do të duhen të paktën edhe disa javë përpara se ftesat zyrtare të shpërndahen. As mockup-e të aplikacionit nuk janë parë në qarkullim.
Versioni i parë i platformës nuk do të përdori BitTorrent për të realizuar transmetimet live. Si duket nuk do të ketë as opsion për të aksesuar kontentin e arkivuar. Ky version fillestar do të jetë i centralizuar. Kjo do të thotë se, ndryshe nga çfarë sugjeron emri, nuk do të ketë të përfshirë teknologji P2P. Gjithsesi BitTorrent shprehet se do të kërkojnë për mënyra të reja që ti bëjnë të mundur këto gjëra.
Në këtë pikë është e vështirë të dallohet nëse publiku do të jetë i interesuar në platformën e streaming. Do të ishte interesante nëse BitTorrent Live do të përfshinte teknologjinë BitTorrent. Fundja patentën aty e kanë. Tani besoj thjesht mbetet të shohim.