Adresa zyrtare e Fortnite në Twitter, duke ju përgjigjur një tweet-i nga Warner Bros, që tregonte kastin e filmit Birds of Prey, duket të ketë konfirmuar se Harley Quinn do të vijë në lojë së shpejti. Duke marrë parasysh kontekstin e tweet-it, ka gjasa se kjo do të ndodhë përmes një crossoveri me Fortnite.
Reply nga Fortnite thoshte: “Shihemi së shpejti Harley!”, por kjo ishte mjaftueshëm sa për të ngritur spekulime në të gjithë komunitetin e internetit. Duke marrë parasysh se Birds of Prey e ka premierën në 7 shkurt, një crossover duket brenda mundësive.
Epic Games ka punuar përkrah Disney për eventin e Star Wars si edhe me kompaninë rivale të DC, Marvel, për dy evente crossovers me Avengers. Në listë gjithashtu ka patur edhe një bashkëpunim me DC në të shkuarën për një crossover me Batman.
Nëse eventi i Birds of Prey do të funksionojë njëlloj si gjithë të tjerët, lojtarët mund të presin që një larmishmëri cosmetics të vijnë në lojë për një periudhë të limituar kohore. Gjërat e tjera që mund të vijnë në Fortnite me eventin janë të paqarta dhe do të duhet të na presim për konfirmim nga Epic Games në një moment të dytë, që ti zbulojmë këto.
Për momentin, duket se ky është eventi 2 javor që Epic Games përmendi kur bëri njoftimin për Chapter 2 Season 2 në Fortnite. Epic së fundmi konfirmoi se Season 2 do të vonohej deri në 20 shkurt. Mjaftueshëm kohë kjo sa për të sjellë eventin me Harley Quinn dhe për ta pasuar pastaj me sezonin e ri.