Bird Box, filmi më i ri i Netflix me Sandra Bullock, është parë nga më shumë se 45 milionë llogari Netflix gjatë vetëm shtatë ditëve të para.
Bird Box, filmi më i ri i Netflix me Sandra Bullock, është parë nga më shumë se 45 milionë llogari Netflix gjatë vetëm shtatë ditëve të para.
Sipas Netflix, saktësisht 45,037,125 llogari kanë parë filmin në javën pas debutimit të tij më 21 dhjetor. Netflix tregon se kjo është java më e mirë për një film Netflix ndonjëherë, megjithëse nuk është specifikuar nëse ky numër gjithashtu përfshin filmat jo të prodhuar nga kjo kompani.
Siç është vërejtur nga Variety, kjo statistikë vjen drejtpërdrejt nga Netflix dhe nuk është parë me saktësi nga palët e jashtme. Informacioni i dhënë nga Netflix gjithashtu nuk specifikon nëse të gjitha këto llogari e kanë parë filmin nga fillimi deri në fund ose thjesht kanë parë një pjesë të tij. Megjithatë, duke pasur parasysh se shumë llogari të Netflix-it janë të përbashkëta dhe se jo të gjithë shikuesit po e shikojnë filmin vetëm, mund të supozohet se mbi 45 milionë njerëz kanë parë të paktën një pjesë të filmit.
Një nga faktorët kryesorë në suksesin e Bird Box lidhet dhe me prevalencën e saj në mediat sociale gjatë javës së fundit, me fansat që kanë kthyer momente të ndryshme nga filmi në memes.
Ngjarja e Bird Box-it sillet rreth një nënë të vetme (Bullock) dhe fëmijëve të saj në një peisazh post-apokaliptik ku qeniet misterioze përdorin frikën e thellë të njerëzve që t’i bëjnë këta të fundit të vrasin veten.