“Gjithçka që do të them është se Anthem është lançuar dhe do të qëndrojë…”
“Gjithçka që do të them është se Anthem është lançuar dhe do të qëndrojë…”
Kritikat pas lançimit të Anthem nuk ishin aspak pozitive. Sado që shumë lojtarë kanë gjetur mjaft gjëra në lojë për t’iu rikthyer, komuniteti përgjithësisht ka qenë shumë i inatosur mbi mungesën e kontentit në lojë dhe mënyrën se si zhvilluesit i kanë menaxhuar update-et e saj. Menaxheri i komunitetit Jesse Anderson ka dhënë një përgjigje të gjatë ndaj këtyre kritikave.
Anderson komentoi kundrejt një postimi nga Redditori harishcs të quajtur ‘ok BioWare, çfarë po ndodh?’. Ky postim pyet se pse BioWare ka qenë më pak komunikues pas lançimit të lojës, pse është i fokusuar në probleme që në syrin e komunitetit vijnë si të vogla, pse loja ka mungesë në kontent dhe flet përgjithësisht se si Anthem nuk po ia del të kapë potencialin e saj të plotë.
Përgjigjia mbi pikën e fundit është më e shkurtra, por edhe më e bukura. “Gjithçka që do të them është se Anthem është lançuar dhe do të qëndrojë. Kemi ende punë për të përmirësuar pjesë të lojës? Po, dhe skuadra është e dedikuar ndaj këtyre ndryshimeve dhe krijimit të përmbajties së re.”
Anderson gjithashtu sugjeron se zhvilluesit e lojës do të jenë më pak të predispozuar ndaj reagimit të komenteve kur ato janë negative. “Unë nuk e kam problem të vij dhe të postoj këtu kur gjërat nuk po shkojnë shumë mirë, por kjo është puna ime fundja. Zhvilluesit nuk e kanë për detyrë këtë dhe do të doja shumë që njerëzit ta mbanin në mendje këtë herës tjetër që do iu drejtohen.”
Përsa i përket update-ve të padokumentuara në patch notes, Anderson thotë se është një e metë në procesin e plotë të skuadrës dhe jo një tentativë për të fshehur informacionin.
Anthem nuk është fare në rrugë të mbarë dhe pritshmëritë e larta që publiku ka patur përpara lançimit të saj nuk është se e ndihmojnë shumë tani. Vetë zhvilluesit dhe EA kanë reaguar ndaj problemeve të shumta, duke u shprehur se do të bënë çmos që ti ndreqin sa më shpejt, por nëse nuk fillohen të shikohen disa rezultate së afërmi, nuk e dimë se si mund të jetë e ardhmja për Anthem.