BioWare hedh sërish shenja drejt Dragon Age 4

Dragon Age 4 duket shumë pranë

Dragon Age 4 është një nga lojërat më të shumëpritura në komunitetin e gaming dhe shumë prisnin që diçka e re të zbulohej në 4 dhjetor, e njohur ndryshe si Dragon Age Day. Megjithatë, gjithçka morrëm ishte thjesht një teaser nga producenti ekzekutiv Mark Darrah.

Darrah kaloi shumicën e javës së kaluar duke postuar në Twitter foto të paqarta që tregonin progresin e lojës së re Dragon Age. Ai u rikthye për më shumë në Dragon Age Day me tweet-in e mëposhtëm, që për të qënë të sinqertë, nuk tregon asgjë.

Përveç shumë fan art dhe cosplays, Dragon Age Day kaloi pa probleme. Megjithatë, zhvilluesi BioWare bëri retweet postimin e tyre të zbulimit nga vjet, duke i entuziazmuar fansat që nuk e vunë re datën.

BioWare dhe publikuesi EA kanë kohë që postojnë teasers për Dragon Age 4. Një trailer u zbulua vitin e kaluar gjatë Game Awards, ndërkohë që CFO i EA konfirmoi para disa javësh se kompania po punonte për një lojë të re Dragon Age. Ai tha: “Ju duhet të merrni parasysh se ka një lojë Dragon Age, për të cilën kemi folur publikisht dhe që pritet të vijë në 2022“.