Bill Gates është shënjestra kryesore për teoritë e përhapjes së coronavirus

Gënjeshtrat për Gates kanë kaluar dhe teorinë e 5G.

Bill Gates është tashmë shënjestra e preferuar e internetit përsa i përket informacioneve të rreme mbi coronavirus. Teori konspirative që lidhin Gates me viruesin janë duke qarkulluar gjithandej dhe janë përmendur deri më tani 1.2 milionë herë në TV dhe media sociale nga shkurti në prill.

Tashetheme dashakeqëse për themeluesin e Microsoft, tashmë filantropist, janë duke u përhapur masivisht në YouTube, Facebook dhe Twitter. Teoritë sugjerojnë se ai krijoi COVID-19 për të përfituar nga vaksina ose se Gates është anëtar i një organizate që do të ulë popullatën e botës dhe të implementojë një sistem të mbikëqyrjes globale.

Një fjalim i Bill Gates nga 2015, në të cilin ai thotë se kërcënimi më i madh për njerëzimin janë sëmundjet infektive dhe jo lufta nukleare, ka marrë 25 milionë shikime në javën e fundit. Mendohet se njerëzit që janë kundër-vaksinave dhe anëtarë të grupit konspiratin QAnnon, po thonë se videoja është provë që Gates e solli pandeminë për përfitimet e tij personale.

Sado që Gates ka refuzuar të komentojë mbi këtë situatë, Mark Suzman, shef ekzekutiv i Bill & Melinda Gates Foundation, i ka thënë New York Times se: “është për të ardhur keq që njerëzit po përhapin informacione të rreme, në vend që të kërkojnë për mënyra se si mund ta kapërcejnë situatën në mënyrë paqësore.”