Gates do të fokusohet më shumë tek filantropia
Gates do të fokusohet më shumë tek filantropia
Bill Gates, bashkëthemeluesi dhe ish-CEO i Microsoft, ka dhënë dorëheqjen nga bordi drejtues i Microsoft. Gates ka shërbyer si CEO i Microsoft deri në 2000, kur dha dorëheqjen nga ai pozicion për të kaluar më shumë kohë me Bill and Melinda Gates Foundation. Në 2008, Gates la punën me kohë të plotë tek Microsoft në pozicion drejtues për t’u fokusuar tek filantropia.
Dorëheqja e Gates nga bordi mesa duket vjen për të njëjtat arsye, me një deklaratë për shtyp që citon një dëshirë për t’iu dedikuar më shumë prioriteteve filantropike. Gates gjithsesi do të shërbejë si këshillues teknologjik për CEO-n Satya Nadella, një rol që ai e morri në 2014 pas kërkesës së Nadella, pasi dha dorëheqjen nga roli i presidentit të bordit të Microsoft.
Ka qënë një nder dhe privilegj i jashtëzakonshëm të punonim dhe mësonim prej Bill gjatë viteve. Bill themeloi kompaninë tonë me besimin tek forca demokratizuese e software dhe një pasion për të zgjidhur sfidat më të vështira të shoqërisë. Për këtë arsye, Microsoft dhe bota janë më mirë prej tij. Bordi ka përfituar shumë nga drejtimi dhe vizioni i Bill dhe Microsoft do të vazhdojë të përfitojë nga pasioni dhe këshillat teknologjike të Bill për të çuar produktet dhe shërbimet tona më tej. Jam i nderuar nga miqësia e Bill dhe jam entuziast që do të vazhdojë të punoj me të për të realizuar misionin e fuqizimit të çdo personi dhe organizate me qëllim për të arritur më shumë.
Edhe pse Gates do të jetë ende deri diku i përfshirë me punët e kompanisë që ai themeloi nëpërmjet pozicionit si këshilltar teknologjik, kjo ishte lëvizja më e largët e Gates deri më tani nga Microsoft që prej dorëheqjes nga roli i CEO në 2000.