Numri i lojërave ekskluzive në Epic Games Store vazhdon të rritet me ritme të shpejta.
Numri i lojërave ekskluzive në Epic Games Store vazhdon të rritet me ritme të shpejta.
Nje tjetër lojë i shtohet listës së lojrave ekskluzive në Epic Games Store. Ajo që i shtohet kësaj liste është ndër më të mëdhajat që ka lënë Steam: bëhet fjalë për versionin për PC të Metro Exodus, i cili do të mund të blehet vetem në Epic Games Store për një vit (loja do të mund të blehet në të gjithë dyqanet e tjerë online në 2020).
CEO i Deep Silver, Dr. Klemens Kundratitz thotë: “Jemi tepër të kënaqur që është arritur partneriteti me Epic për të sjelle versionin dixhital në PC të Metro Exodus në market. Termat financiarë të Epic sjellin një frymë tërësisht të re, e cila i shtyn publikuesit të investojnë më shumë për lojërat e tyre, ose t’ja kalojnë kursimet e tyre lojtarëve. Duke u bashkuar me Epic ne kemi mundësi të investojmë më shumë në lojërat e ardhshme Metro dhe bashkëpunimi ynë me zhvilluesin 4A Games, gjë e cila bëhet e gjitha në dobi të fansave të Metro. ”
Në të njëjtën kohë, CEO i Epic Tim Sweeney bashkohet me mendimin e Kundratitz: “Metro Exodus është mahnitës dhe padyshim një nga titujt më të shumëpritur për PC në 2019. Ne po bashkëpunojmë me Deep Silver për të lançuar Metro Exodus, duke i dhënë atyre mbështetje në marketing nga Epic si dhe plot 88% të fitimeve”.
Siç përmend Kundratitz, Deep Silver nuk është duke i futur në xhepin e saj paratë e fituara nga ndarja bujare 88% e fitimeve nga Epic: përkundrazi, ata po ja kalojnë fitimet e tyre lojtarëve, duke ulur çminin fillestar të lojës në $50. E nëse kjo do të ndodhte më shpesh, është e sigurt se do të kishte më pak ankesa për lançimin e një numri të shumtë lojërash vetëm në Epic Games Store.
Metro Exodus do të lançohet në 15 shkurt 2019 në PC, Playstation 4 dhe Xbox One.