Kohët e fundit kemi parë disa pamje të reja të gameplay-it të Beyond Good and Evil 2. Ubisoft kishte shpjeguar disa gjëra për lojën, por për të dhënë më shumë informacion, skuadra e zhvillimit përmblodhi disa nga pyetjet e audiencës dhe iu përgjigj në website-in e tyre.
Një nga pyetjet që bënte dallim mbi të tjerat ishte rreth internetit. Një nga përdoruesit pyeti nëse një lidhje konstante interneti ishte e nevojshme për ta luajtur lojën. Skuadra e zhvillimit ju përgjigj si më poshtë:
“Beyond Good and Evil 2 është një online multiplayer co-op. Një eksperiencë e veçante. Ndaj loja do të jetë e mundur vetëm me një lidhje interneti të qëndrueshme, që ju të mund të përjetoni maksimumin që ajo ka për të ofruar. Të luajturit në co-op ose jo pastaj, mbetet në dorën tuaj.”
Kjo taktikë e të qëndruarit gjithmonë online pritet të mos pëlqehet shumë nga disa lojtarë, pavarësisht faktit e të paturit ose të mos paturit një lidhje interneti aktive të tyren.