Një nga edicionet e Fallout 76, Power Armor Edition që kushton plot 200 $ rezultoi pak defektoz. Brenda përshkrimit të paketës ishte një çantë ushtarake e stilit Fallout 76. Kjo e fundit rezultoi të ishte prej najloni. Gjithsesi ky nuk ishte materiali i demonstruar në përshkrimin fillestar të saj. Si duket prodhimi i atyre çantave ishte shumë i shtrenjtë, ndaj kompania vendosi ti zëvendsonte me një material më të lirë prej najloni.
Fansat ishin dukshëm të mërzitur me këtë zbulim i cili dukej si një truk i kompanisë për të rritur më shumë shitjet. Bethesda që në atë pikë ka kërkuar ndjese në formën e 5 $ në Premium Currency. Kjo e fundit nuk është e mjaftueshme as për të blerë një skin që e ka çantën si pjesë të veshjes në lojë.
Me rënien e çmimeve të Fallout 76, vlerësimeve të dobëta, përballjeve të mundshme ligjore dhe tani këtij incidenti, nuk mund të mos e pyesim veten në fund të ditës se çfarë është duke ndodhur me Bethesdën?