Fallout 76 nuk do të bëhet falas, të paktën jo në të ardhmen e afërt. Pasi disa thashetheme filluan të qarkullonin gjatë fundjavës se Bethesda do ta kthente lojën free-to-play, më vonë u mohua zyrtarisht ky supozim. Në përgjigje të pyetjes së një prej fansave nëse do të rimbursoheshin po të bëhej loja falas, Bethesda dekaroi se “Ky thashethem nuk është i vërtetë.”
Loja u lançua në nëntor, ndaj ideja e të bërit të saj falas do të ishte sikur kompania ta pranonte haptazi dështimin me të. Duke parë edhe antipatinë e madhe që ka treguar komuniteti i gaming rreth kësaj çështjeje, nuk është çudi që thashethemi mori hov kaq të madh në rrjetet sociale. Sado që shitjet e lojës ishin vërtet të dobëta, nuk ishin edhe kaq katastrofike sa kompania të ndiqte këtë strategji biznesi.
Fallout 76 mund të bëhet falas për tu luajtur ndonjë të ardhme të largët. Gjithsesi Bethesda ka ende shumë gjëra për t’ju vërtetuar fansave.