Botuesi i The Elder Scrolls, Bethesda, ka njoftuar se ka dhuruar një milionë dollarë për të ndihmuar me situatën e krijuar nga COVID-19. Këto fonde do të ndahen mes bamirësive të ndryshme për të ndihmuar kauzën. Ja se si është bërë ndarja e tyre:
- $500,000 do i jepen Direct Relief, një bamirësi e lidhur drejtpërdrejt me ndihmat e dhëna për COVID-19, përfshirë mundësimin e paisjeve të rëndësishme për punëtorët e sektorit të shëndetësisë.
- $250,000 do të shkojnë për UNICEF, që bashkëpunon me emra të mëdhenj në mbarë btën për të mbajtur fëmijët dhe familjet e tyre të sigurta dhe të mbrojtura.
- $250,000 do të shkojnë për komunitetet lokale që po merren me lehtësimin e situatës së krijuar prej COVID-19.
Përtej këtyre, Bethesda po vazhdon të inkurajojë njerëzit që të qëndrojnë të sigurtë, përmes iniciativës #BethesdaAtHome. Kjo e fundit përfshin transmetime të punonjësve të saj teksa punojnë nga shtëpia dhe komnunikimin e tyre ma fansat dhe gamers-at përreth globit.