Beta e Call of Duty: Black Ops – Cold War konfirmohet për në Tetor

Beta e multiplayer do të vijë në PC dhe Xbox pas një fundjave ekskluzive për PS4

Call of Duty: Black Ops – Cold War po vjen në Nëntor, dhe në atë që tashmë është një traditë e mirë-vendosur të testeve të beta do të zhvillohet rreth një muaj para se të dalë. Activision njoftoi datat e beta-s, dhe në atë që po bëhet me shpejtësi një tjetër traditë e Call of Duty; lojtarët e PlayStation 4 do të fillojnë të parët.

Periudha ekskluzive për PS4 do të fillojë më 8 Tetor për këdo që ka porositur paraprakisht lojën dhe më pas do të hapet në një open beta në PS4 nga 10-12 tetor. Fundjavën tjetër, duke filluar nga 15 Tetori, beta do të hapet për lojtarët që kanë porositur paraprakisht në PC dhe Xbox, dhe sigurisht që lojtarët e PS4 do të vazhdojnë të kenë akses. Nga 17-19 tetor, beta do të jetë e hapur për të gjithë.

Modalitetet që do të luhen gjatë testeve beta nuk u zbuluan, por një mesazh i ditës i postuar në Charlie Intel tregon se do të ketë më shumë se sa ishte në dispozicion gjatë testit alpha në PS4 që u zhvillua fundjavën e kaluar. Dhe nëse keni rastisur të luani gjatë alpha-s dhe të keni kuptuar se snajperët ishin pak jashtë kontrollit, dizajneri i Treyarch, Tony Flame, tha në Twitter se ata ishin bërë buff posaçërisht për testin alpha dhe do të bëhen nerf përsëri për beta.

Call of Duty: Black Ops – Cold War është vendosur të dalë në treg në 13 Nëntor.