Lojtarët e konsolave sërish fikin crossplay për t’i shmangur.
Lojtarët e konsolave sërish fikin crossplay për t’i shmangur.
Është e pabesueshme ta dëgjosh, por po, beta e Call of Duty: Black Ops Cold War ka cheaters që tani. Është bërë traditë tani që një Call of Duty i ri nënkupton që hacks në PC do e prishin lojën për të gjithë.
Beta ishte e hapur për të gjithë deri në 20 tetor, por një hapje e tillë e dyerve i lejoi cheaters të bëjnë eksperimentet e tyre, përpara se loja të lançohej tamam. Ka shumë pamje të këtyre hacks në aksion dhe lojtarët e konsolave thjesht po fikin crossplay, për të shpëtuar prej tyre.
Crossplay është fantastik. Mban numrin e lojtarëve të lartë, përmirëson skilled-based matchmaking, praktikisht thyen barrierat e platformave. Është diçka që shumë njerëz e kanë kërkuar, ndaj të vjen pak keq ta shohësh të zhbëhet nga diçka kaq e vogël sa prezenca e cheaters. E njejta gjë ndodhi edhe në Modern Warfare.
Tani që beta ka përfunduar çdo gjë është zeruar, një arsye më shumë kjo pse nuk bën sens të bësh cheat në beta. Gjithsesi le të shpresojmë që gjendja të jetë më e mirë kur Cold War të lançohet në 13 nëntor.