Google do të bëjë një njoftim në Game Developer Conference nesër e cila mund ta trondisë industrinë në themelet e saj. Ndoshta mund të jetë edhe thjesht një flluskë sapuni siç ka ndodhur dhe herët e tjera por ne gjithsesi jemi kurioz.
Shanset janë se Google do të prezantojë një platformë të ngjashme me atë të Sony e quajtur Playstation now. Eksperimentet me Assassin’s Creed Odessey dolën me sukses vitin e kaluar dhe pritet që në këtë konferencë të prezantohet zyrtarisht kjo platformë.
Kjo platformë nuk diskutohet që do ti përngjajë asaj të Sony pasi Google momentalisht ka të punësuar disa emra të njohur dhe ish-punonjës të Playstation si: Jack Buser, Phil Harrison dhe Dr Richard Marks të cilët kanë ndihmuar mjaft në ngrtjen e Playstation si platformë gaming.
Por a do të dalin të vërteta të gjithë këto zëra? Ende nuk e dimë, ama mund të themi me siguri një fakt, konkurenca e Google në këtë treg do të jetë e egër pasi përball tij janë gjigandët dhe veteranë të këtij biznesi Sony dhe Microsoft.