Mos humbisni eventin e orës 21:00
Mos humbisni eventin e orës 21:00
Vullkani i lojës battle royale, Fortnite është programuar të shpërthejë në pak orë. Do të mund të jeni prezent gjatë gjithë kohës për ta parë evenimentin dhe për të dëshmuar këtë fenomen që do të ndryshojë topografinë e ishullit.
Një timer u shfaq dje në Loot Lake duke dhënë oraret e shpërthimit të tij. 15:00 EST / 20:00 BST / 12:00 PST. Pra sipas llogaritjeve për ne që jemi këtu në shqipëri i bie në orën 21:00. Kur vullkani të shpërtheje llava e nxehtë do të shpërndahet në të gjithë hartën. Nëse ajo do ta ndryshojë hartën apo jo ende nuk e dimë, por gjasat janë që shpërthimi do të vijë me pasoja.
Vullkani lidhet me një aktivitet sizmik të ndodhur poshtë Loot Lake dhe teksa lojtarët plotësojnë sfida, njëkohësisht aktivizojnë pesë runat që do të shkaktojnë shpërthimin përfundimtar. Gjasat janë që shpërthimi do të shfarosë Retail Row dhe Tilted Towers, duke i kthyer ato në rrënoja ose pirgje llave.
Ndryshime pritet të vijnë edhe në Polar Peak dhe sigurisht në vetë Loot Lake, ku ndodhet ajo paisja e çuditshme. Shumë ndryshime do të ndodhin në eventin e sotëm, ndaj sigurohuni që mos e humbisni.
Eventi mendohet të zhvillohet njëlloj si koncerti i Marshmello. Pra të gjithë lojtarët do të futen në një game mode të veçantë ku mund të shohin teksa ndodh shpërthimi. Kur marrim parasysh se kemi të bëjmë me Epic duhet të presim të papritura nga eventi i sotshëm.