Bëhet leak traileri i Sezonit të 10 të Fortnite

Traileri na kthen pas në Sezonin e 3

Sezoni i 10 i Fortnite si rregull nis nesër dhe në bazë të teaser-ave që kemi parë gjatë javës së shkuar, dukej se Epic donte të kthente kohën pas. Kjo teori u konfirmua sot, pasi Fortnite Brazil publikoi trailer-in e ri për lojën përpara kohe.

Videoja u fshi menjëherë pasi i postua, por anëtarët e shkathët të komunitetit të Fortnite arritën ta kapin në kohë. Dataminer-i i njohur Lucas7yoshi postoi trailerin, që mund ta shikoni në fund të artikullit, në Twitter.

Traileri fillon me Jonsey që hidhet tutje nga shpërthimi i madh i sferës. Kur ai hap sytë ai është duke pluskuar në hapësirë dhe rrugës shikon raketën nga Sezoni i 4 ti kalojë anash. Nga ajo pikë ka disa meteora dhe një fragment të eventit që u mbajt në fund të sezonit të 5.

Teksa trailer-i vazhdon, referenca të cosmetics-ave nga evente të caktuara vijojnë të qarkullojnë, duke nisur nga skini i Skull Trooper Halloween deri në kokën e maskotës së Durr Burger.

Në fund të trailerit Jonsey bie në tokë në një fushë boshe. Teksa çohet, bëhet e qartë për të gjithë se është duke qëndruar në Dusty Depot, versionin e vjetër dhe të paprekur të saj që u shkatërrua në eventin e sezonit të 3 nga meteori. Duket këtu se koha ka ngecur në lojë sepse metori që goditi Dusty Depot është duke qëndruar në ajër, pak metra mbi kokën e Jonsey.

Tani akoma nuk e dimë tamam se çfarë nënkupton kjo për vazhdimësinë e Season X, por një teori e mirë do të ishte që lojtarët do të rijetojnë eventet e sezoneve paraardhëse gjatë javëve të ardhshme. Mbetet të presim për ditën e nesërme që të marrim vesh më shumë.