Samsung Galaxy S11 do të vijë me 3 modele
Samsung Galaxy S11 do të vijë me 3 modele
Tashmë që problemi i lidhur me fingerprint sensor në Samsung Galaxy S10 dhe Note 10 po rregullohet nga Samsung dhe po afrohet fundi i 2019, ka ardhur koha të flasim se çfarë duhet të presim nga Galaxy S11 vitin e ardhshëm. Sot, duket se janë zbuluar aksidentalisht emrat e koduar të smartphone-ve të rinj.
Samsung ka vendosur të ndryshojë tërësisht dizajnin dhe formën me Galaxy S10, duke lançuar gjithashtu dhe një smartphone të ri si S10e. Tani, duket se Samsung do të vazhdojë të lançojë tre pajisje në flagship-in e tyre.
Sipas një raporti nga Kina, gjigandi korean i teknologjisë do të sjellë tre smartphone të rinj Galaxy S vitin tjetër. Të gjitha variantet e këtyre smartphone-ve do të kenë 5G. Siç pritet, këta smartphone do të quhen Galaxy S11e, Galaxy S11 dhe Galaxy S11 Plus.
Zbulimi më i madh nga ky raport është fakti se S11e do të suportojë 5G. Samsung ishte një prej prodhuesëve të parë të smartphone që solli 5G vitin e kaluar. Kjo lëvizje bëri që blerësit të përfitonin nga rrjeti 5G, sidomos ata në Korenë e Jugut.
Tashmë, kemi disa detaje konkrete për specifikat e Galaxy S11, përfshirë këtu faktin se pajisjet S11 do të kenë 5x optical dhe 10x lossless zoom si dhe 5G. Gjithashtu, smartphone-t e rinj do të kenë ekrane me material M10.