Katër lojërat që do të vijnë me PlayStation 5 mund të jenë bërë leak në Twitter.
Katër lojërat që do të vijnë me PlayStation 5 mund të jenë bërë leak në Twitter.
Një poll në Twitter nga Official Playstation Magazine UK ka bërë leak lojërat që mund të presim të shohim kur PlayStation 5 të vijë në fundin e 2020s. Këtu kemi disa lojëra ende të panjoftuara dhe disa lojëra që do të shërbejnë si urë lidhëse.
Poll-i pyeste përgjithësisht se cilat lojëra ishin më të emocionuar për të luajtur në PlayStation 5. Katër opsionet në atë poll ishin Horizon Zero Dawn 2, The Last Of Us 2 Online, Killzone Online dhe Ghost of Tsushima në PS5.
Sado që shumë prej këtyre mund të jenë thjesht supozime (Ghost of Tsushima përshembull ende nuk ka marrë datën e lançimit në PS4), fakti që lojërat e PlayStation 5 si Killzone Online dhe Horizon Zero Dawn 2 ende nuk janë njoftuar, mund të nënkuptojë se do të jenë lojëra lançimi me konsolën.
Fakti që The Last of Us 2 multiplayer do të jetë në PlayStation 5 nuk është ndonjë habi e madhe gjithsesi. Loja do të lançohet në prill të 2020s pa komponentin e saj multiplayer. Kjo sepse Naughty Dog do të vërë pak më shumë theks në historinë e lojës se në multiplayer-in.
Pjesa e multiplayer-it të The Last of Us doli shumë e suksesshme për lojën e parë. Vendimi i Naughty Dog për ta ndarë nga single-player-i i The Last of 2 bëhet për të sjellë diçka më të rafinuar.
Nuk dihet se çfarë lojërash do të lançohen bashkë me PlayStation 5 , mbi të gjitha duke gjykuar nga fakti që konsola ende nuk ka një datë zyrtare lançimi. Mbetet të presim për informacione të mëtejshme.