Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
BBC ka dëerguar një gazetar në Kanada së fundmi për të mbajtur një intervistë në Piccadilly Circus. Gjithsesi, këtu nuk bëhej fjalë për Piccadilly Circus në jetën reale, pasi intervista u zhvillua në një koncept të vendndodhjes kur do të zhvillohet Watch Dogs: Legion më vonë gjatë këtij viti.
Mark Cieslak, një gaztar i BBC Click u takua me drejtorin krijues të Watch Dogs Legion, Clint Hocking në studion e Ubisoft në Toronto. Të dy ata bënë skanime të plota trupore dhe veshën kostumet për motion-capture që të projektoheshin në Londrën virtuale të lojës. Pavarësisht se të dy ishin me pika në fytyre dhe me veshje të çuditshme në jetën reale, intervista që sollën erdhi shumë e natyrshme, sado që nuk zbuloi ndonjë gjë që tashmë nuk e dinim për lojën.
Cieslak e fillon intervistën me një pyetje se si do të figurojë Brexit në lojë, duke vënë në dukse se përfshirja e tij mund të inatosë disa prej lojtarëve. Në të kaluarën Ubisoft është mbajtur për mospërfshirjen e politikës në lojërat e tij, por Hocking mban një qëndrim ndryshe në këtë situatë.
“Unë e shikoj lojën si një krijues i kulturës,” thotë Hocking. “Nëse po krijojmë filma ose libra, të njejtën gjë po bëjmë edhe me videolojërat. Është përgjegjësia jonë që të shohim gjërat që po ndodhin nëpër votë dhe të kemi mundësinë të themi diçka rreth tyre.”
Hocking gjithashtu shpjegon se Legion do të merret edhe me tematika të tjera nëpër evente të ndryshme, si automjetet autopilot dhe teknologjia e dronave.
Kjo intervistë virtuale funksionon shumë mirë në Piccadilly-n virtual të Watch Dogs: Legion. Pasi Ubisoft njoftoi disa lojëra pas lançimit deri diku zhgënjyes të Ghost Recon Breakpoint, ende nuk e dimë me siguri datën e lançimit të Watch Dogs: Legion. Çdo gjë që dimë për momentin është se Ubisoft do e lançojë lojën këtë vit.
