Battlefield V nuk pati lançimin më të lehtë të mundshëm, por EA Dice ende po punon për të update-uar lojën dhe për të publikuar DLC e planifikuar. E para ndër këto është Tides of War Chapter 2: Overture. Erdhi për në PC dhe konsole në 5 dhjetor dhe prezantoi përmirësimet e para të gameplay-it, hartave, eventeve javore dhe mode-eve të tjera.
Expansions-at e Tides of War nuk vijnë me kosto shtesë dhe ky është një bonus për publikun kur merret në konsideratë lançimi i lëkundur që pati. Le ti hedhim një sy më poshtë se çfarë është e re:
Practice Range: Në këtë mode të dizenjuar për të përmirësuar preçizionin e goditjeve tuaja, ju mund të bëni Shooting dhe Driving Trials. Të dyja këto i japin lojëtarit mundësinë për të praktikuar shënjestrën dhe ngarjen kundrejt pop-up targets. Ka gjithashtu ushtrime me një tank, pasi të tilla automjete janë pjesë e update-it të ri. Shtimi i këtyre të fundit vjen nga prezantimi i Panzerstorm.
Overture gjithashtu sjell një histori single-player të quajtur The Last Tiger dhe nga ana e gameplay-it ka më shumë opsione për personalizimin e ushtarëve dhe automjeteve.
Edhe eventet javore shënojnë në këtë pikë. Lojtarët mund të fitojnë shpërblime dhe të çojnë kompaninë e tyre para në lojë. Progresi arrihet edhe duke luajtur mode-et e reja në këtë kapitull.
Nuk i dihet se sa impakt do mund të lërë Overture ose se sa impakt do mund të lënë update-et e ardhshme, por një gjë dihet me siguri. Battlefield V, për mirë apo për keq është ende një produkt në zhvillim e sipër.