Loja e ardhshme e serisë Battlefield mund të jetë një reboot i Battlefield 3
Loja e ardhshme e serisë Battlefield mund të jetë një reboot i Battlefield 3
Battlefield është një prej lojërave më të pëlqyera nga gamers dhe së fundmi disa “thashetheme” kanë qarkulluar rreth kësaj loja e cila ka planifikuar të sjellë një lojë të re nga seria Battlefield gjatë këtij viti.
Në një video në YouTube Tom Henderson, i cili është një studiues i industrisë, përmbledh me detaje gjithçka çfarë ai di mbi lojën e ardhshme Battlefield. Duke spekuluar nëse do të quhej Battlefield 6 apo thjesht Battlefield, tregon se seria e ardhshme e serisë do të jetë e frymëzuar nga Battlefield 3 dhe me shumë mundësi do të jetë një reboot i lojës.
Ai shton se loja e ardhshme Battlefield do të vijë në PC, PS4, Xbox One dhe sigurisht në PS5 dhe Xbox One X. Përveç kësaj ai nuk përjashton mundësinë se përveç frymëzimit të madh që do të marrë nga Battlefield 3, seria e re Battlefield të jetë një remaster i Battlefield 3. Por akoma nuk kemi diçka konkrete dhe e gjitha kjo është një teori.
Më përpara, Henderson ka thënë se Battlefield 6 do të përfshijë harta të cilat mund të mbajnë deri në 128 lojtarë. Duke u futur akoma edhe më shumë në detaje rreth kësaj gjëje, ai shton se hartat janë të dizajnuara për 128 lojtarë por jo çdo mode që loja do të ketë do përfshijë 128 lojtarë. Seria e re do të përfshijë përballje 32 vs 32 për të gjithë lojtarët që iu pëlqejnë përballjet e mëdha.
Deri më tani akoma nuk është bërë një njoftim zyrtar mbi lojën por Henderson beson se loja do të lançohet pas nëntë ose dhjetë muajsh. Gjithashtu ai thekson se gjithçka që ka thënë është një grimcë informacioni dhe që mund të ndryshojë në të ardhmen. Por duhet theksuar se është një mundësi e madhe që loja e re Battlefield të përfshijë detajet që Henderson ka thënë.