Një zhanër që duket të jetë vetëm në rritje
Një zhanër që duket të jetë vetëm në rritje
Që kur Fortnite Battle Royale pati momentin e saj të parë me publikun në shtator të 2017s, battle royale është bërë një nga zhanrat më dominuese në botën e gaming. Sado që ky stil loje nuk është i ri, këto lloje të multiplayer online shooters janë bërë më të sofistikuara me kalimin e kohës dhe është tani koha që battle royale po përjeton momentin e tij më të mirë.
Për të kuptuar më mirë impaktin e zhanrës në komunitetin e gaming, është e rëndësishme të kthehemi pas dhe të analizojmë origjinën e battle royale-it dhe rolin e saj në të ardhmen e esports.
Në thelb, battle royale është Hunger Games vetëm se në lojëra. Qëllimi është që të gjithë hidhen në një ishull virtual, ku duhet të vrasin njëri-tjetrin derisa të mbetet një lojtar i fundit në këmbë, që konsiderohet si fituesi. E vetmja gjë që ju ndihmon të fitoni, si edhe në rastin e Katniss’, është kryesisht të menduarit strategjik, pajisjet, menaxhimi i tyre etj.
Një nga lojërat e para battle royale që arriti sukses global dhe që ende po e ruan në fakt, ishte PUBG. Lançimi i lojës në mars të 2017s dhe popullariteti masiv që ajo mori, i shtroi përpara rrugën të gjithë zhanrit dhe të gjitha kompanive që më vonë filluan ta adaptonin atë zhanër.
Pastaj nga Epic Games erdhi Fortnite: Battle Royale, kjo pas tentativës së parë me Fortnite: Save the World në 2017n. Teksa popullariteti i lojërave Battle Royale vazhdon të rritet, lojëra të tjera fillojnë dhe dalin në sfod, duke tërhequr numra të mëdhenj lojtarësh. Apex Legends i EA është shembulli i përkryer për këtë situatë.
Koncepti pas lojërave battle royale është fare i thjeshtë, por çdo lojë është prapë unike në mënyrën e saj. Duke qenë se zhanra ka një natyrë shumë të interpretueshme, është e pamundur të luash të njejtën lojë dy herë. Kjo është arsyeja pse sa herë që lojtarët hidhen në këtë univers virtual, përballen me sfida të reja.
Eksperienca single-player që pati Fortnite në fillim nuk ishte fare unike ose emocionuese. Pra nuk ishte në gjendje që të kapte vëmendjen e lojtarëve ose konsistencën e tyre në të njejtën mënyrë që e ka bërë versioni battle royale i saj. Në Fortnite Battle Royale, Epic Games u sigurua që të fuste të papritura në lojë, që përfunduan duke i tërhequr edhe më shumë lojtarët.
Battle royale realisht ofron një nga eksperiencat më unike që mund të hasësh në çfarëdo zhanri të esports. Këto lojëra i lejojnë lojtarët që të humbin dhe prapë të kënaqen duke luajtur. Kjo sepse nuk ka një rrugë të përcaktuar drejt fitores, por përkundrazi kjo rrugë arrihet duke i bërë lojtarët të punojnë në skuadër për ta fituar lojën strategjikisht.
Battle royale është për lojtarët që pëlqejnë shpirtin e skuadrës e jo për individualistët. Për këta të fundit shpesh herë loja mund të bëhet e vështirë pa suportin e skuadrës, që të ndihmon drejt fitores.
Sado që natyra e battle royale-it i mban skudrat dhe lojtarët individual të interesuar, në të njejtën kohë krijon edhe sfida për vetë zhanrin si esport. Kur Starcraft II doli në 2010n, kishte të gjithë elementët që i duheshin për të qenë e suksesshme si esport ndonjë ditë. Lojtarët mund ta parashikonin lëvizjen e rradhës të kundërshtarit dhe të sajonin një kundërsulm për të.
Me battle royale-in nga ana tjetër, lojtarët i kanë opsionet më të limituara në të menduarin strategjikisht dhe skuadra që dominon në njërin raund, mund të eleminohet e para në raundin tjetër. Në një model tradicional të esports, lojtarët më të mirë përballen me njëri-tjetrin për të parë kush ka aftësitë më të mira. Battle royale nga ana tjetër e barazon pak lojën.
Ju mund të hidheni në të njejtën vendndodhje, por nuk do të jenë të njejtat armë dhe sende në dispozicion për të gjithë. Gjithsesi presioni i kohës, që të bën ti mendosh strategjitë shpejt ka benefitet e saja. Lojtarët aftësohen më shumë në këtë aspekt dhe janë më të gatshëm për ta eksploruar botën e battle royale-it edhe më tej.
Zhanra e battle royale-it është duke ndikuar shumë në natyrën tradicionale të esports. Lojtari më i mirë i raundit të parë nuk është më i miri i të dytit, sepse gjërat varen nga shumë faktorë të jashtëm. Por kjo nuk do të thotë që nuk është një kombinim jo i suksesshëm. PUBG dhe Fortnite na kanë treguar se mund të ndërtosh një multiplayer të suksesshëm pa logjikën tipike të hierarkisë së përballjes së lojtarëve më të mirë me njëri-tjetrin.
Teksa battle royale-i bëhet më i njohur, skuadra dhe shikues të rinj janë njëkohësisht duke zbuluar esports për herë të parë. Lojëra si Fortnite sjellin edhe shumë brande të reja në të. Vetëm në 2019 të ardhurat e sponsorave për esports ishin rreth $456.7 million, një shifër kjo që është vetëm në rritje.
Me shtimin e lojërave të reja të posatshme për battle royale komuniteti i esports zgjerohet së bashku me bazën e tyre të lojtarëve. Vetë brande që më para nuk kishin asnjë lidhje me esports, sot janë duke e parë potencialin që industria ka, duke iu bashkuar asaj.
Me modele të reja të lojërave battle royale që po lançohen dita ditës, kjo është një zhanër që nuk tregon shenja ndalimi. Gjithsesi është e pamundur të parashikosh nëse lojërat që kryesojnë sot, si Fortnite ose PUBG do të vazhdojnë të mbesin në krye për shumë gjatë. Në mënyre të ngjashme me lojërat MOBA, ku League of Legends dhe Dota 2 kanë domunuar mbi lojërat e tjera, me shumë mundësi edhe këtu do të arrijmë në një pikë ku 2-4 lojëra do ta dominojnë zhanrën.
Gjithsesi, sado që mund të jetë shumë e dashur si zhanër mes lojtarëve online, battle royale me shumë mundësi do të vazhdojë të ketë sprovat e saj në esports. Kjo sepse me këtë zhanër bëhet e vështirë që fansat të gjejnë një skuadër të cilës ti mbeten besnike. Është vetë natyra e lojës që i privon një skuadre të dalë mbi të tjerat në një mënyrë konsistente.
Gjithsesi në fund të ditës, sado që ka të mirat dhe të këqijat e saj, zhvilluesit e lojërave duket ti mëshojnë gjithmonë e më shumë kësaj zhanre, duke ju sjellë lojtarëve eksperienca gjithmonë e më emocionuese. Është vërtetë interesante të jesh prezent si një gamer në këtë kohë të battle royale-it, kur sapo ka filluar eksplorimi i saj. Do të jetë edhe më tërheqëse të shohim se si do të transformohet ajo me kalimin e viteve.