Battle Royale mode i Battlefield 5 mund të shihet në këtë video

Fillon kështu lufta për mbijetesë…

Battle royale mode i Battlefield V është publikuar online përmes një videoje përpara lançimit zyrtar të saj. Tutoriali i Firestorm është shfaqur në YouTube.

Siç shpjegon edhe videoja Firestorm i Battlefield V do të ketë Solo, Duo dhe Squad si opsione. Si edhe me lojërat e tjera battle royale, raundet fillojnë me lojtarët që vijnë nga sipër duke zbarkuar në tokë. Në rastin tonë kjo bëhet me një parashutë. Lojtarët më vonë duhet të gjejnë armë dhe sende të tjera në hartë dhe ti përdorin ato për të shkuar drejt fitores. Ka tre lloje armësh: Common, Rare dhe Epic.

Municionet sigurisht që nuk janë të lehta për tu gjetur, ndaj duhet të tregoheni të kujdesshëm me iventarin tuaj dhe të ndani me shokët e skuadrës për të mbijetuar.

Një tjetër aspekt interesant është se lojtarët e qëlluar ende mund të hedhin zjarr nga krahu anësor i tyre, ndërkohë që anëtarët e skuadrës i ringjallin. Gjithsesi respawn më të mirë se Apex Legends nuk bën dot njeri.

Ishte konfirmuar që më parë se Firestorm është zhvilluar nga Criterion, një tjetër studio e EA dhe jo nga DICE. Ndryshe nga Fortnite dhe PUBG që suportojnë deri në 100 lojtarë, Firestorm lejon deri në 64. Duhet të përmendet se në Firestorm do të mund të gjeni edhe mjediset tipike të Battlefield dhe automjetet e saj.

EA edhe reagoi ndaj videos së mësipërme që bëri leak në Reddit, përmes një videoje që paraqet pak nga battle royale mode-i i ardhshëm.

Battlefield V shiti më shumë se 7 milion kopje, por përgjithësisht nuk doli edhe aq lart sa ç’priste EA. Firestorm do të jetë battle royale i dyte për EA pas lançimit të Apex Legends nga Respawn Entertainment në shkurt.