Blockbuster-i i fundit që është dashur të pezullojë planet për shkak të pandemisë së coronavirus është The Batman i Matt Reeves, me Robert Pattinson në rolin e protagonistit.
Warner Bros ju desh të shtynte Wonder Woman 1984 nga qershori në gusht dhe tani studioja po programon edhe shtyrjen e disa datave të tjera, ndër to edhe Batman. Filmi ka kaluar nga 25 qershori i 2021 në 1 tetor të po të njejtit vit.
Një film i ardhshëm i Flash dhe një vazhdim për Shazam! gjithashtu janë shtyrë për në 3 qershor të 2022 dhe 4 nëntor të 2022 respektivisht. Suicide Squad e James Gunn pastaj duket të ketë qëndruar në datën e lançimit të 6 gushtit të 2021.
Nga të gjitha këto projekte, Batman ishte i vetmi që ishte në mes të xhirimeve. Warner Bros e ndaloi punën në mes të marsit dhe tani për shkak të gjendjes së jashtëzakonshme është dashur që vetë filmi të lihet për një moment të dytë.
Pandemia e COVID-19 ka sjellë ndryshime të mëdha në industrinë e filmave. Klikoni këtu për të parë se si do të jetë kalendari i filmave të 2021 pas coronavirus.