Streamer-i më i famshëm që ndoshta ekziston Tyler ‘Ninja’ Blevins, që së fundmi bëri kalimin nga platforma e Twitch në Mixer, vjen tanimë zyrtarisht me një tjetër bashkëpunim. Ai është i pari streamer që ka bërë një kontratë të tillë me Adidas. Ninja ka firmosur një marrëveshje një vjeçare me kompaninë sportive, por nuk është tamam e qartë se çfarë produktesh do të dalin nga kjo.
Bashkëpunimi i ri nuk ka ende oferta specifike të Ninja dhe edhe mund të ofrojnë vetëm shit-blerje dixhitale. Blevins i tha fansave të “përdorin imagjinatën e tyre” kur vinte puna te produktet, me vetë Adidas që është shprehur se produktet që do të vijnë mund të jenë në botën fizike ose virtuale.
Sado që Adidas ka luajtur rolin e sponsorit për shumë atletë në të shkuarën, të bërit marrëveshje të ngjashme me streamera është territor pak i ri për kompaninë. Ninja nga ana tjetër ja ka marrë dorën me marrëveshjet me kompanitë e mëdha. Streamer-i ka bashkëpunuar prej kohësh me Samsung, Red Bull dhe raportohet se EA i ka dhënë miliona dollarë për të bërë stream Apex Legends, kur loja doli në fillim.
Kur merr parasysh se sa shumë para përfshihen në esports këto kohë, nuk është çudi që kompanitë e mëdha po fillojnë të përfshihen në industri. Nike ka bërë një lëvizje të ngjashme më herët këtë vit me ligën profesionale të League of Legends në Kinë. Pra sado që Ninja mund të jetë i pari që firmos një marrveshje të tillë individuale me një kompani të madhe, e sigurtë që nuk do të jetë i fundit.
Përgjithësisht kjo duket si një lëvizje mjaft e mirë nga ana e Adidas, që po e ekspozon brandin e tij në një audiencë masive që përgjithësisht nuk e gjejnë veten në produktet e tij. Në stream-in e tij të fundit në Mixer, Ninja i tha fansave se nuk do të prisnin edhe shumë gjatë përpara se të shikonin se çfarë kanë planifikuar për të sjellë. Mbetet të shohim prapë.