Bashkëpunimi GTA x Red Dead sjell një armë të re në të dyja lojërat

Ja se si të merrni Lowry’s Revolver

Nëse përfundoni misionin Serial Killer Mystery në GTA Online dhe sfidën Navy Revolver, do të keni mundësi të merrni Lowry’s Revolver në Red Dead Online.

“Një vrasës i lig serial po lëviz në fshat, duke kryer vrasje të përgjakshme me një Navy Revolver antik. Kërkoni në Blaine County për të dhëna dhe vendoseni këtë vrasës përpara drejtësisë për të marrë armën e tij unike në koleksionin tuaj,” – thuhet në përshkrimin zyrtar të Rockstar.

Misioni Serial Killer Mystery erdhi në GTA Online si pjesë e update-it Diamond Casino Heist, duke iu dhënë ju si detyre të gjeni një vrasës serial që lëviz në Blaine County me Navy Revoler. Nëse e gjeni vrasësin dhe merrni armën, do të merrni Navy Revolver Challenge.

Për të përfunduar Navy Revolver Challenge ju duhen 50 vrasje me Navy Revolver. Nëse arrini ta kaloni këtë sfidë, do të merrni $250,000 në GTA si dhe Lowry’s Revolver në Red Dead Online. Duhet të jeni pjesë e Social Club për ta marrë këtë armë në Red Dead Online.

Rockstar jep disa të dhëna se si ta gjeni revolen në Red Dead Online, por nuk e tregon vendndodhjen e saktë të armës. Sipas Reddit, Lowry’s Revolver gjendet në qilarin e një ndërtese në jugperëndim të Valentine, në jug dhe midis të shkronjave A dhe L në fjalën Valentine në hartë.