Baldur’s Gate 3 ngadalësohet nga coronavirus, por plani i lançimit për 2020 vazhdon

Pandemia e COVID-19 i ka detyruar zhvilluesit e lojërave që të punojnë individualisht nga shtëpia dhe kjo ka sjellë impakt të madh në ecurinë e shumë lojërave. Bethesda ju desh që të shtynte Fallout 76 Wastelands, pasi ritmi i punës ishte ngadalësuar. E njejta gjë ndodhi me MMO e re të Amazon, New World, me betan e Patch of Exile dhe me update të ndryshme të Rinbow Six Siege.

Impakti që kjo situatë e distancimit social ka sjellë në praktikën e punës po ndjehet edhe në Larian Studios, që momentalisht është duke punuar me Baldur’s Gate 3. Shefi i Larion, Swen Vincke, u shpreh në një intervistë se loja vazhdon ende me planin për lançim në Early Access këtë vit, por ai gjithashtu pranoi se ritmi i punës është ngadalësuar shumë dhe se punëtorët nuk e kanë patur të thjeshtë të përshtaten me ndryshimin.

Një problem potencialisht më i madh për disa lojëra, përfshirë këtu Baldur Gate 3, është se disa aspekte të zhvillimit janë të pamundura për tu kryer individualisht. Këtu përfshihet motion picture dhe dublimi. Vincke tha se shpreson që së shpejti do të transferohen në një zyrë ku mund ta bëjnë këtë punë brenda kushteve të nevojshme të sigurisë.

Momentalisht Larian po operon me 70-80% të produktivitetit të tij të zakonshëm dhe sado që një datë lançimi ende nuk është bërë publike, Vincke tha se planet që ajo të vijë në 2020n vazhdojnë.