Baldur’s Gate 3 është vonuar. Lançimi Early Access i RPG së ardhshme të Larian ishte planifikuar të vinte fillimisht në gusht, por tashmë ajo është shtyrë. Nuk është njoftuar ende asnjë datë e re, por do të marrim detaje më konkrete më vonë gjatë këtij muaji.
Data e re e lançimit të Baldur’s Gate 3 do të zbulohet si pjesë e ‘Panel From Hell’ e planifikuar për në 18 gusht në 10:00 PDT / 13:00 EDT / 18:00 BST. Paneli do të sjellë shefin e Larian Studios, Swen Vincke, përkrah anëtarëve të tjerë të skuadrës së zhvillimit. Përtej datës së lançimit, eventi pritet të sjellë lajme të tjera të mëdha.
Ardhja e Baldur Gate 3 Early Access për në gusht u njoftua para disa muajsh, por Larian u tregua i kujdesshëm që të vendoste një “ndoshta” përpara ligjëratës së tij, ndaj kjo vonesë nuk është plotësisht e papritur.
Të paktën do të mësojmë më shumë së shpejti.