Baby Yoda do të vijë në Star Wars: Squadrons

Pavarësisht konfirmimit para pak javëve se nuk kishte ndërmend të sillte gjëra të reja në Star Wars: Squadrons, Electronic Arts ka njoftuar një update surprizë, që do të sjellë items të bazuar në serialin e Disney +, The Mandalorian.

Update-i shton tetë items në total, ndër tyre edhe Baby Yoda. Gjithsesi ai duket më shumë si një figurinë e vogël se sa si personazhi që jemi mësuar të shohim në serial.

Është e lehtë të vësh në lojë EA, që solli gjëra të reja në lojë në më pak se tre javë pasi tha se nuk do e bënte, por për të qenë të drejtë, ky update është më shumë i drejtuar në promovimin e The Mandalorian. Përtej kësaj është edhe falas, ndaj kush do e merr kush nuk do nuk e merr.

Mandalorian Supply Drop do të vijë në Star Wars: Squadrons në 28 tetor.