Bradley Tooth, babai i tre fëmijëve, ka tentuar kohët e fundit të blinte konsolen më të fundit nga Sony si një dhuratë për djalin e tij. Fatkeqësisht ai nuk arriti dot të blinte një PlayStation 5 dhe kjo gjë bëri që ai të kërkonte një mënyrë tjetër e cila nuk përfundoi mirë.
Mungesa e PS5 nëpër dyqane ka bërë që njerëzit të kërkojnë mënyra nga më të ndryshmet për të shtënë në dorë konsolen e Sony. Por gjithashtu mungesa e konsoles ka sjell çmime të larta të PS5 duke arritur shifra të çmendura çmimi.
Mungesa e PlayStation 5 gjithashtu ka bërë që edhe Bradley Tooth të kërkonte një mënyrë alternative blerjeje. Kjo gjë bëri që ai pas disa javë kërkimesh rastësisht të gjente një shitës në Twitter i cili shiste PlayStation 5 për një çmim prej 530 £.
Teksa po kontrollonte profilin e personit në fjalë, ai vuri re se shitësi kishte shitur edhe më përpara PS5 dhe se kishte një numër të lartë ndjekësish në Twitter dhe Youtube. Gjithashtu ai vuri re se disa prej miqve të tij në Twitter e ndiqnin atë duke e bërë atë të mendonte se shitësi ishte një person i besueshëm.
Pasi ai bisedoi me shitësin nëpërmjet Twitter, Bradley arriti një marrëveshje të dhe shkëmbyen të dhënat bankare. Më datën 5 dhjetor, Bradley i transferoi shitësit 530 £ në llogarinë e shitësit por shitësi pretendonte se paratë nuk kishin ardhur duke u justifikuar se ai nuk e kishte kryer transfertën ose një problem kishte ndodhur në lidhje me ketë transfertë.
Pasi Bradley konfirmoi se transferta ishte kryer me sukses, ai kuptoi se shitësi i kishte bërë scam. Ai kontaktoi përsëri me shitësin duke i treguar se transferta ishte kryer me sukses. Në ketë pikë shitësi filloi ta quante Bradley scammer dhe i bëri block në Twitter.
Gjatë kësaj kohe, Bradley arriti ta raportonte ketë ngjarje në polici dhe në bankë. Fatmirësisht ai i mori mbrapsht paratë bashkë me një mësim të vlefshëm nga gjithë kjo ngjarje. Gjithashtu ai këshillon që të tregoheni të kujdesshëm në blerjet tuaja online dhe të përdorni mënyra të sigurta pagese si PayPal.
Shumë ngjarje kanë ndodhur së fundmi në lidhje me PlayStation 5 duke filluar çmimeve të çmendura dhe deri tek kamuflazhet e çuditshme ose propozimeve e martesave me PS5.