Një nga lajmërimet më surprizuese të konferencës së EA Play 2017 ishte trailer për një lojë të re të quajtur A Way Out.
Një nga lajmërimet më surprizuese të konferencës së EA Play 2017 ishte trailer për një lojë të re të quajtur A Way Out.
Publikuar nga EA Originals dhe zhvilluar nga Hazelight, skuadra pas lojës Brothers, A Way Out ështe një aventurë bashkëpunimi që të “vendos në këpucët” e dy të burgosurve që mundohen të arratisen.
Vetëm duke pare trailerin mund të shihen ngjashmëri të dukshme ndërmjet kësaj loje dhe Brothers. Dy karaktere të cilëve u duhet të punojnë bashkë për tu përballur me sfida, për të kaluar pengesa dhe për të arritur destinacionin e tyre. Është e dukshme që ka një përmbajtje për të rritur duke patur parasysh që po luani si dy kriminelë se sa dy djem të vegjël. Dhe kësaj rradhe dy burrat, Leo dhe Vincent nuk e njohin njëri-tjetrin përpara fillimit të udhëtimit të tyre. Se si do të ndikojë kjo në mënyrën se si ata bashkëpunojnë për t’ia mbathur do të jetë tepër interesante për tu parë.
A Way Out është dizenjuar vetëm për lojë të përbashkët. Loja që nga bazat e fillimit të saj është ndërtuar me këtë qëllim. Zakonisht preferohet të loja të luhet me split-screen por loja të jep gjithashtu mundësinë për të luajtur me një shok online. Edhe pse të tilla lojëra na pëlqejnë së tepërmi a mund të jetë zgjedhja për të luajtur co-op një gabim? Ne shpresojmë që jo pasi A Way Out duket të jetë shumë premtuese.
A Way Out do të dalë nga fillimi i 2018s, kështu që mund të presim të dëgjojmë më shumë për të në muajt në vazhdim.