Në këtë pikë i mbetet vetëm të thyejë atë të Avatar
Në këtë pikë i mbetet vetëm të thyejë atë të Avatar
Siç pritej, Avengers: Endgame i Marvel ishte super sukses në box office. Filmi arriti $ 1.2 miliardë fitime globale për vetëm pesë ditë. Deri më tani kjo është shifra më e lartë e kapur ndonjëherë në historinë e kinemasë. Filmi është gjithashtu i pari që kapi $300 milionë gjatë fundjavës hapëse në SHBA dhe Kanada.
Engame mban rekordin dhe për $100 milionshin më të shpejtë në box office, për vetëm 17 orë. Krahas kësaj rekordin për ditën më të mirë, të shtunën më të mirë dhe të dielën më të mirë në gjithë historinë e filmave. Gjithashtu është filmi më i transmetuar në SHBA dhe Kanada, në 4,662 kinema.
Për sa i përket fitimeve nga pikëpamja internacionale, vuri rekordin për fundjavën me më shumë fitime në histori, me $859 milionë në krahasim me Infinity War të vitit të shkuar me $443 milionë.
Duke parë këtë fillim të Endgame-it do të jetë interesante të shohim nëse filmi do të mund tia kalojë Avatar të James Cameron, i cili mban rekordin botëror në box office me $2.78 miliardë fitime. Infinity War e mbylli me $2.048 miliardë. Gjithsesi kur marrim parasysh se Endgame lehtësisht i dyfishoi këto shifra në fundjavën hapëse të tij, nuk besojmë se do e ketë vështirë t’ia kalojë edhe në totalin e box office.