A do mund t’ia kalojë edhe në botë?
A do mund t’ia kalojë edhe në botë?
Avengers: Endgame ka kaluar zyrtarisht në fitime filmin e Avatar. Filmi fantastiko shkencor i James Cameron doli në 2009 dhe le të themi që falë efekteve vizuale të avancuara për kohën arriti të kishte një super fitim në box office. Filmi për një dekadë ka mbajtur rekordin si filmi me fitime më të mëdha në box office në botë, por duket se Avengers: Endgame i Marvel është gati për ti zënë vendin.
John Wick: Chapter 3-Parabellum ja doli të dominonte box office këtë fundjave me një fitim prej $57 milion, por Endgame është gjithsesi mjaft para në kalkulimet e fitimeve totale. Këtu është pika ku brenda US filmi ka fituar $770.8 milion në dallim me Avatar që e pati xhiron e tij përfundimtare me $760.6 milion. Endgame është filmi i dytë më i madh në SHBA tani, i vendosur pas Star Wars me $936.6 milion.
Kalojmë tani në fitimet botërore të filmit. Avengers: Endgame ka momentalisht $2.61 miliardë. Filmi ndodhet pas Avatar me $2.78 miliardë. Pyetja që na kalon të gjithëve në mendje tani është nëse kryevepra pëmbyllëse e Joe dhe Anthony Russo do arrijë të kalojë atë të Cameron duke u bërë filmi më i madh në botë.
Në këtë pikë duhet pranuar se Endgame do të ketë një rrugë të vështirë përpara për të marrë atë $174 milionshin shtesë. Me filma si Aladdin, Dark Phoenix, Men In Black: International dhe Toy Story 4 përpara nuk do të jetë situata më ideale. Gjithsesi unë personalisht kam qenë që në fillim e idesë që Endgame do ia dilte dhe nuk kam ndërmend të heq dorë nga kjo ide tani.
Është pak ironike sepse në fakt në 2021 do të vijë Avatar 2, por gjithsesi çfarëdo vendi të mbajë Endgame në box office, nuk mund ta mohojmë se ishte një film realisht fantastik për të gjithë fansat e MCU.