Avengers: Endgame është filmi me fitimet më të mëdha në histori

Robert Downey Jr. mendohet të ketë marrë $55 milionë për rolin e tij si Iron Man.

Avengers: Endgame është filmi me suksesin më të lartë komerçal të të gjitha kohërave, me $2.79 miliardë në box office. Filmi ishte tmerrësisht i shtrenjtë edhe për tu prodhuar, por mund të themi me siguri që kompensimet janë kryer nga të gjitha anët.

Burimet raportojnë se Endgame ka bërë $890 milionë në fitime, një shifër që vendos një rekord të ri në industrinë e filmave. Endgame kushtoi $356 milionë për tu prodhuar me një $175 milionë tjetër që shkoi për pagesën e stafit. Gjithashtu thuhet se Marvel pagoi $155 milion për marketingun e filmit nëpër botë.

Në total Endgame kushtoi $899 milionë për tu prodhuar, duke mbuluar këtu buxhetin e produksionit, pagesat e aktorëve dhe stafit, marketingun dhe kosto të tjera shtesë.

Endgame, që erdhi në kinema një vit më parë, mblodhi $1.3 miliardë në Box Office vetëm gjatë fundjavës së parë. Kjo shifër mbuloi të gjithë produksionin, marketingun dhe kostot teatrale.

Një nga aktorët që vërtet mori fitime të larta nga gilmi ishte Robert Downey Jr. dora vetë, që mendohet të jetë paguar $55 milionë për shkak të natyrës së kontratës që ishte lidhur me fitimet në box office. Shumë anëtarë të tjerë të kastit gjithashtu morën bonuse të mëdha nga performanca e filmit në box office.

Bota është një vend shumë më ndryshe një vit pas publikimit të Endgame. Tani shumica e kinemave janë mbyllur për shkak të krizës së COVID-19.