Falë një rishfaqjeje të Avatar në Kinë,raportohet se filmi tashmë ka fituar të ardhura të mjaftueshme për të çuar në total box office-in e tij në $2.798 miliardë, e cila tejkalon HeronEarth’s Mightiest Heroes edhe një herë për totalin më të madh në të gjithë botën.
Rritja e shitjeve të biletave Avatar vjen për shkak se kinematë e Kinës po hapen sërish pas pandemisë COVID-19, e cila ka parë një turmë të film-dashësave që dëshirojnë të kthehen në kinema. Dhe duke parë që studiot më të mëdha të filmit perëndimore ende nuk kanë nxjerrë tituj të rinj (duke pasur parasysh se pjesa më e madhe e botës ende ka kapacitet teatror shumë të kufizuar), kjo lë hapësirë për të rishfaqur tituj të njohur si Avatar.
Duke qenë se filmi do vazhdojë të shfaqet edhe në fundjavë, është e garantuar që Avatar do të vazhdojë të tejkalojë Endgame gjatë ditëve të ardhshme. Kjo është ngjarja më e fundit në luftën e vazhdueshme (dhe pak qesharake) për rekordin më të lartë box office. Kur Avengers: Endgame ishte në kinema, Disney punoi jashtë orarit për të siguruar që do të zinte vendin e parë, duke rishfaqur filmin disa javë pas premierës me premtime për një skenë shtesë të fshirë për të rritur numrat.
Gjithashtu është e mundur që Endgame t’i përgjigjet kësaj ngjarje në mënyrë të ngjashme: Disney vazhdimisht rishfaq filmat e saj Marvel në kinema si pjesë e maratonave para se të shfaqë filma të rinj. Kështu që është plotësisht e mundur që Endgame të kthehet në kinema për të konkurruar me rekordin e ri të Avatar në të ardhmen – veçanërisht nëse kinematë amerikane miratojnë një strategji të ngjashme për të rishfaqur hit-e të mëdha të vjetra për të ndihmuar në fitimet e kinemave pas-COVID gjatë muajve të ardhshëm.
Sigurisht, fituesi i vërtetë këtu është, si zakonisht, kompania Walt Disney. Duke qenë se Disney ka blerë 20th Century Fox (dhe bashkë me të, filmat Avatar) në 2019, kompania do të mbajë vendin e parë në box office sido që të jetë.