Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Glukhovsky tha në Instagram se Metro do të vazhdojë
Autori Dmitry Glukhovsky hodhi shenja në 2016, pak pas lançimit të Metro 2035, se romanet Metro kishin përfunduar, edhe pse historia e vetë Metro jo. “Mendoj se pyetjeve kryesore iu është dhënë përgjigje në 2035. Edhe pse mbase nuk do të ketë libra të tjerë Metro, kjo nuk do të thotë se historia e Artyom nuk do të vazhdojë“.
Në një farë mënyre, kjo ishte ajo çka ndodhi me Metro: Last Light. Ajo nuk bazohej në romanin Metro 2034 sepse 4A Games nuk mendonte se ai ishte i përshtatshëm për t’u kthyer në videolojë, prandaj Glukhovsky ndihmoi në shkrimin e lojës dhe më pas e përdori një pjesë të saj si bazë për romanin Metro 2035. Metro Exodus, pjesa e tretë e serisë së lojërave, ndiqte eventet e Last Light dhe përfshinte gjithashtu personazhe nga 2035, që do të thotë se në përgjithësi loja nuk është kthyer ende në roman. Gjithçka është vërtet e komplikuar.
Megjithatë, lajmi i mirë për fansat e lojërave është se Glukhovsky ka konfirmuar se seria e lojërave Metro do të vazhdojë. Ditën e sotme, ai postoi në Instagram duke shkruar “Po punoj për historinë.”
A është ende shumë herët për të qënë entuziastë? Mbase jo. Lajmi që Glukhovsky është ende i përfshirë në seri është mjaft i mirë. Duke patur parasysh se filmi i Metro 2033 u anullua pasi po bëhej më “amerikan” sesa duhej dhe Glukhovsky donte të ruante tiparet ruse të historisë, ai është padyshim personi i duhur për të punuar në historinë e lojës.
Sipas THQ Nordic, Metro Exodus ishte “loja më e madhe ndonjëherë në historinë e grupit“, duke përmendur faktin se “loja ka performuar ashtu siç pritej nga ne dhe kemi arritur të nxjerrim prej saj investimet tona në zhvillimin dhe marketimin e lojës“. Mesa duket suksesi i lojës nuk u ndikua dhe aq nga ekskluziviteti i saj në Epic Games Store.
