Më shumë automjete klasike do të vijnë në Fortnite

Një leak i ri në Fortnite ka sugjeruar rikthimin e disa automjeteve klasike, përfshirë këtu  Baller hamster ball dhe ATK Golf Cart.

Sipas FNBRUnreleased  dhe InTheShadeYT, Baller, Hoverboard dhe ATK Golf Cart ishin të gjitha të update-uara në patch-in e fundit.

“Ballers dhe Hoverboard gjithashtu janë update-uar. Mund të shohim një rikthim të tyre së shpejti,” postoi FNBRUnreleased, teksa vuri në dukje se teksturat për ATK Golf Cart gjithashtu ishin bërë refresh. Gjithsesi, nuk duket të ketë ndonjë dallim të madh nga mënyra se si ATK dukej më parë.

Nuk përmendet asgjë se kur ekzaktësisht mund të rikthehen këto automjete, por duket e mundur se ato mund të shfaqen këtë sezon.

Derisa t’i shohim në lojë, ja vlen të shtojmë se asgjë nuk është konfirmuar. Epic mund të ketë plane për t’i rikthyer, por asnjëherë nuk i dihet se si shkojnë gjërat Mbetet të presim dhe të shohim.