Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Sipas këtij leak-u, Assassin’s Creed: Ragnarok do të jetë cross-gen, co-op dhe do të ketë një open world shumë të madh
Assassin’s Creed: Ragnarok, loja shumë e përfolur e serisë së Ubisoft, duket thuajse e konfirmuar, pasi një leak shumë i detajuar u postua pasi loja u pa e listuar në disa shitës të ndryshëm online.
Ky leak i fundit, i cili vjen nga një burim anonim i cili thotë se ka lidhje me ekipin që po zhvillon lojën dhe është postuar në Reddit, thotë se Assassin’s Creed: Ragnarok do të vendoset në periudhën e vikingëve dhe pritet të lançohet në shtator, me zbulimin zyrtar që pritet të vijë në mbledhjen ku thuhet se PlayStation 5 do të zbulohet në shkurt.
Jo vetëm kaq, por në këtë leak thuhet se lojtarët do të kenë sërish mundësi të zgjedhin gjininë e personazhit që do të luajnë në Ragnarok, i cili quhet Jora dhe drejton një grup të vogël vikingësh, që i jep mundësi lojtarëve të luajnë co-op deri në katër persona.
Të tjera fakte interesante janë se harta e lojës përfshin të gjithë Europën Veriore, do të ketë luftime të mëdha në kohë reale në të gjithë lojën, stealth është ndryshuar totalisht dhe loja do të lançohet në PC, Xbox One, Xbox Series X, PS4 dhe PS5.
Normalisht, këto leaks anonimë shpesh nuk janë shumë të besueshëm, por ky leak është shumë i detajuar dhe flet gjithashtu dhe për evente historike të cilat kanë ndodhur gjatë asaj kohe dhe do të jenë në lojë. Nuk do të kishte kuptim që një person të mundohej kaq shumë për të shpikur një leak të pavërtetë.
Gjithsesi, do të na duhet të presim që Ubisoft të zbulojë zyrtarisht lojën, por nëse ky leak është i vërtetë, nuk duhet të presim shumë.
