Çfarë po ndodh me gjithë këto listime të Assassin’s Creed Ragnarok?!
Çfarë po ndodh me gjithë këto listime të Assassin’s Creed Ragnarok?!
Kohët e fundit kanë dalë gjithnjë e më shumë ‘leaks’ në lidhje me Assassin’s Creed Ragnarok , projekti i ardhshëm i Ubisoft që na vendos në pozicionin e një vrasësi Viking. Edhe pse nuk është konfirmuar zyrtarisht, kohët e fundit një listë e Assassin Creed Ragnarok siç duket është vërejtur në faqen e internetit të Amazon Germany.
Lista ishte posaçërisht për Assassin’s Creed Ragnarok: Valhalla Edition, e cila ka të ngjarë të jetë versioni Collector’s Edition i lojës (nëse lëshohet ndonjëherë). Sidoqoftë, listimi që pasi u zbulua u hoq menjëherë.
Loja e fundit e Assassin’s Creed, Assassin’s Creed: Odyssey, doli në vitin 2018 dhe ka kaluar një vit e ca që nga ajo kohë. Ubisoft ka bërë një premtim që pas ‘bugs’-ave të vazhdueshëm në lojërat e tyre, si Assassin’s Creed Unity dhe Assassin’s Creed Syndicate, që ata do të ndalonin lançimet vjetore, kështu që ata së paku po e mbajnë fjalën e tyre.
Meqenëse ka kaluar shumë kohë nga Assassin Creed Odyssey, tani mund të jetë koha më e mirë për të lëshuar Assassin’s Creed Ragnarok, me shumë gjasa të dalë gjatë festave të fundvitit të këtij viti për ta bërë atë një videojë për Playstation 5 dhe Xbox Series X.
Sidoqoftë, asnjë konfirmim nuk ka ardhur nga Ubisoft se ata po punojnë me lojën. Një njoftim i tillë ka të ngjarë të rezervohet për E3 të këtij viti, ose ndonjë event tjetër gjigand lojërash para ose pas E3.
Ndërsa ajo që ne kemi “mësuar” nga ‘leaks’-at e ndryshëm rreth Ragnarok tingëllon interesante, duke përfshirë jo vetëm Skandinavinë, por edhe Ishujt Britanikë si një vendndodhje në lojë, politika të ndryshme dhe ndërveprimi me figura politike; i takon Ubisoft të konfirmojë këto veçori të përfolura.
Me listimin e Assassin’s Creed Ragnarok tani të hequr nga Amazon Germany, përgjegjësia tani është e Ubisoft të njoftojë nëse loja do të dalë apo jo?! Sido që të jetë përgjigja, ne duhet thjesht të presim.