Ish artisti i Rockstar Games, Stephen Bliss ka postuar një nga punët e tij me tematikën e Vice City për fansat e Grand Theft Auto. Pas shumë thashethemeve dhe leaks që sugjerojnë ardhjen e GTA 6, fansat kanë qenë vazhdimisht duke pyetur veten se çfarë duhet të presin nga loja e ardhshme e Rockstar?
Duke e ndjekur edhe më shumë këtë hype, një nga zhvilluesit e Rockstar Games, Stephen Bliss ka vendosur që ta rrisë entuziasmin e fansave me një prej punëve të tij. Që kur u bë leak se një rikthim në Miami ishte i mundur për GTA, ka patur shumë spekulime se si mund të jetë rikthimi në Vice City.
Stephen Bliss ka punuar me Rockstar prej 15 viteve tashmë, duke mundësuar ilustrime artistike për shumë lojëra të GTA. Në 14 shkurt ai postoi në instagram dy portrete të dy personazheve që dukeshin sikur i kishe nxjerrë direkt nga GTA.
Imazhi i parë ishte i bazuar në veten e tij, teksa ai deklaroi në hashtagsat e postimit se ishte një auto-portret. Gjithsesi, fansat kanë parë ngjashmëri me personazhin kryesor nga Vice City, Tommy Vercetti.
Postimi i dytë ishte ai i një gruaje, e cila po pinte cigare në një sfond të ngjashëm me atë të parin. Artisti i pyeti ndjekësit e tij për opinionte mbi ilustrimet. Fasat e mprehtë dalluan ngjashmërinë e sfodit të këtyre portreteve, me atë të hotelit me pamje nga deti në Vice City-n origjinal. Çfarë e bën edhe më interesante këtë teori është që fotot janë hequr nga adresa e tij e instagramit.
Artisti i famshëm u largua nga Rockstar pas lançimit të GTA V për të ndjekur më shumë interesat e tij personalë. Sado që imazhet e mësipërme duken fiks si ato që përdoren në një loading screen, Bliss u shpreh se këto ishin pjesë e punës së tij personale dhe se nuk ishin të lidhura me ish punën e tij.