Artisti BossLogic sugjeron ardhjen e Injustice 3 me Watchmen

Artisti BossLogic, i njohur ndryshe si Nikolai Baslajik, ka postuar një imazh shumë intrigues në Twitter që hedh shenja drejt Injustice 3. Teknikisht është “Injustic3”, por për thjeshtësi të shkruajturi po e lëmë Injustice 3.

Nuk është ende e qartë nëse kjo është zyrtare, por BossLogic ka bërë një pjesë të mirë të punës artistike për lojërat, përfshirë këtu zbulimin e Assassin’s Creed Valhalla dhe shumë Street Fighter art.

Imazhi dominohet nga një orë e madhe, që mund të jetë referencë për vazhdimin e Watchmen, Doomsday Clock. Gjithashtu ka dhe një smiley face në të majtë të orës, një referencë për badge-in e verdhë që vesh Comedian. Personazhe të Watchmen në Injustice 3?

Nëse Injustice 3 njoftohet në eventin Fandome, që do të mbahet në 22 gusht, do të ishte e këndshme.