Artifact gjendet në një situatë mjaft të çuditshme për momentin

50,000 lojtarë brenda orës dhe 1500 reviews negative

Artifact u lançua jo më larg se dy ditë më parë dhe duket se direkt e ka gjetur veten në një situatë disi të çuditshme. Dy ekstreme i pranëvihen njëra-tjetrës në këtë rast. Një orë pas lançimit loja arriti 50,000 konkurentë. Situata duket mirë apo jo? Kjo është deri në pikën ku i hedh një sy user reviews.

Kapja e 50,000 përdoruesve, më saktë 56,240 brenda orës është një arritje që tregon stabilitet në mbarëvajtjen e lojës. Nuk është sukses shumë i madh, por është i kënaqshëm.

Nga ana tjetër e medaljes, një pjesë e mirë e përdoruesve kishin ankesa për aspektet “pay-to-win” që ajo paraqiste. Monetarizimi i vazhdueshëm i ka bërë përdoruesit të shprehen në të tilla mënyra:

“Gameplay dhe mekanikat e lojës janë shumë mirë. Kjo e freskon pak zhanrën, por microtransactions-at janë pak tinëzare dhe më ndalojnë nga një rekomandim i mirë i lojës.”

Një tjetër përdorues goditi me notat e humorit duke thënë: “Dhe tani është koha të vë në lojë kartën time më të fuqishme, atë të kreditit.”

Artifact, me këto ndodhi e gjen veten zyrtarisht në një status “Mixed” në Steam. Lojërat e tjera të Valve kanë marrë reagime më pozitive, gjithsesi është ndoshta shumë herët për ti ndarë gjërat me thikë.