Modern Warfare kritikohet për armë pay-to-win në Warzone

Zhvilluesit e Modern Warfare janë kritikuar që kanë bërë armët më të mira të lojës, Grau 5.56 dhe Bruen Mk9, shumë të vështira për tu bërë unlock në Warzone, me disa që edhe e kanë etiketuar si ‘pay-to-win’.

Pas ndryshimeve të bëra së fundmi në balancimet e armëve në lojë, të dyja këto armë janë ngritur në krye të listës, duke qenë zgjedhjet e para për shumë lojtarë dhe content creators të Warzone.

Gjithsesi, në dallim nga shumë armë të tjera në lojë, të dyja këto armë janë shtuar pas lançimit dhe ju kërkojnë lojtarëve që të plotësojnë disa sfida të vështira përpara se të mund t’i marrin.

Për të marrë Grau, do ju duhet të eleminoni pesë lojtarë me një assault rifle në një minutë, 25 herë dhe për Bruen do ju duhet të merrni tre LMG kills kur kundërshtari është afër smoke, 15 herë.

Detyrat që duhen bërë për Grau dhe Bruen janë padyshim më të lehta në multiplayer mode të Modern Warfare, duke e bërë shumë të vështirë për lojtarët free-to-play të Warzone që t’i plotësojnë. Këto sfida dhe ndryshimet e bëra së fundmi janë hasur me mjaft kritika.

Duke qenë se këto armë duan shumë kohë për tu marrë përmes playlists në Warzone, lojtarë si u/anasszniti kanë arritur në përfundimin se ata kanë disavantazh të konsiderueshëm kundër atyre që kanë blerë Modern Warfare.

Një tjetër lojtar i lojës shprehu pakënaqësitë e tij me armët “pay to win”, duke sugjeruar se zhvilluesit duhet të shtojnë sfida specifike të Warzone ose përndryshe “do të dëmtojnë bazën e lojtarëve në terma afatgjatë.”

Infinity Ward ende nuk ka komentuar mbi këtë debat që është ngritur rreth këtyre armëve dhe mënyrën se si ato bëhen unlock, por kanë zbuluar se kanë plane të shtojnë më shumë LTM në Warzone, si Rumble, që mund t’i bëjë këto sfida pak më të lehta jashtë multiplayer-it normal.