Royale Pass i Sezonit të 8 do të jetë i disponueshëm së shpejti.
Royale Pass i Sezonit të 8 do të jetë i disponueshëm së shpejti.
Pasi qëndroi në beta për rreth një javë , update-i 0.13.5 i PUBG Mobile u lançua sot globalisht. Ky update solli të shumëpriturin Royale Pass të Sezonit të 8 në lojën e battle royale.
Shumica e ndryshimeve që erdhën me këtë patch, tashmë ishin bërë të ditura me betën që u publikua para një jave. Kjo e fundit përfshinte SMG, PP-19, që përdor municione 9mm dhe ka 53 rounde. Arma do të vijë në Erangel dhe Vikendi.
Krahas këtyre, siç e do tradita me çdo update, ka edhe rregullime të bugs-ave dhe ndryshime të tjera. Modi high-frame-rate është shtuar në modin HDR për paisjet me parametra të larta. Gjithsesi kjo mund të kthehet siç ishte më parë në menunë e settings.
Nëse doni të lexoni listën e plotë të patch notes, mund të klikoni linkun këtu. Lojtarët që e shkarkojnë update-in brenda datave 16-22 korrik do të marrin 1888 BP dhe parachute trail 1.
Gjithsesi Royale Pass i sezonit të tetë, sado që ende nuk është i disponueshëm, do të sjellë një tematikë vere të lidhur me detin dhe oqeanin. Pra do të ketë veshje dhe sende të inspiruara nga kjo. Mund të presim që Royale Pass të vijë në ditët e ardhshme.
Për javët e ardhshme të lojës, gjithashtu janë listuar disa evente që do të vijnë. Kemi PUBG Mobile Club Open (PMCO) 2019 nga datat 26-28 korrik dhe pritet që loja të sjellë diçka të veçantë për këtë eveniment. Lojtarëve do ju duhet të bëjnë log in në një kohë të caktuar që të marrin disa shperblime të lidhura me PMCO.
Ky sezon shënon përvjetorin e parë të Royale Pass dhe disa nga eventet e Sezonit të 2 dhe të 3 pritet të kthehen sërish. Gjithashtu me vazhdimin e bashkëpunimit të BAPE dhe PUBG Mobile, këto produkte do të jenë të disponueshme në lojë.
Nga pak më artistike të themi, Alan Walker do të bashkëpunojë me lojën për herë të dytë me këngën e tij të re, që do të dalë së shpejti. Lojtarët mund të marrin pjesë në eventin e këngës, përmes qendrës së eventeve në lojë.
Duket se ky update i PUBG mobile do të sjellë disa gjëra shumë interesante në lojë. Sigurohuni që mos ta humbisni.