Kjo bishë e rrallë mitike noton në thellësitë e hartës së Fortnite
Kjo bishë e rrallë mitike noton në thellësitë e hartës së Fortnite
A e keni dëgjuar historinë e peshkut të artë mitik të Fortnite? Ai torturon peshkatarët, të cilët shpresojnë vetëm të shohin shkëlqimin e luspave të tij të arta në ujërat e harëts së re, e jo më ta kapin bishën dhe të ndryshojnë fatet e tyre.
Nuk dihej nëse peshku i artë mitik ishte i vërtetë deri kohët e fundit. Ai nuk ishte përmendur nga zhvilluesit e Epic, të cilët nuk donin të prishinin surprizën. Fatmirësisht, disa peshktarë të zotë kanë arritur ta kapin krijesin, duke treguar sendin më të fuqishëm të Fortnite.
Mythic Goldfish është item-i më i rrallë në Fortnite dhe të gjithë supozuan se, si peshqit e tjerë, ai mund të kapej duke peshkuar. Ende nuk dihen me saktësi se sa janë mundësitë matematikore për ta kapur atë, thjesht dihet që janë shumë, shumë të pakta. Në postime të ndryshme në Reddit, lojtarët raportojnë se janë munduar me orë të tëra ta kapin atë me ekipe prej katër lojtarësh, por pa sukses. Domethënë se Mythic Goldfish është vërtet SHUMË i rrallë.
Sipas leaks-ave të hershëm, Mythic Goldfish supozohej të bënte 90 damage, por në praktikë ai në fakt bën 200 damage. Kjo do të thotë se ai mund të eleminojë çdo lojtar, pavarësisht sesa shield ose jetë ata kanë.
Ai është gjithashtu i vetmi peshk që bën damage në Fortnite. Peshku Small Fry të jep 25 HP, ndërkohë që Flopper të jep 50 HP, ndërsa Slurpfish të jep 50 HP dhe shield. Me llogjikë, të hash ar mbase nuk është dhe aq e shëndetshme, prandaj më mirë që t’ja hedhësh atë dikujt në kokë. Mund të luani “e ka kush e ka” me Mythic Goldfish. Kush humbet, vdes.
Siç thamë më lart, askush nuk e dinte nëse Mythic Goldfish ekzistonte deri sa dikush e pa atë në një lojë. Çuditërisht, hera e parë që ai u pa ishte nga perspektiva e dikujt që u vra nga ai.
Megjithatë, Mythic Goldfish mund ta shohim më qartë nga video e iOllek, i cili tregon fare mirë se sa i fortë është ai.
Mythic Goldfish është një prej item-ave të vetëm Mythic që Fortnite ka futur në lojë, por Goldfish është deri më sot implementimi më i mirë i një arme super të fortë. Është shumë e rrallë, prandaj ai nuk do të shkatërroje meta-n dhe gjithsesi duhet të kesh shënjestrim shumë të mirë. Gjithashtu, si mund të mërzitesh kur vdes nga një peshk i artë?