Një tjetër javë kalon dhe një tjetër ndryshim vjen në arsenalin e Fortnite. Battlye Royale po merr një granatë prej akulli, e cila me shumë gjasa nuk do të shkaktojë dëme serioze, por do të krijojë probleme gjatë luftimeve më të gjata. Duhet ta pranojmë paradoksi në këtë armë është për tu vlerësuar.
Chiller Grenade u shfaq sot në ekranin e ‘message of the day’, vendi ku shfaqen gjërat që pritet të vijnë në ditët pasardhëse. Granata ka trajtën tipike të llojit të saj, përveç faktit që dizajni i saj është më dimëror.
Përshkrimi i saj thotë “Ngrijini kundërshtarët tuaj me këtë shpërthim dimëror”. Kjo sugjeron se mund të funksionojë në mënyrë shumë të ngjashme me chiller traps, që ishin pjesë e lojës vitin e shkuar dhe i bënin lojtarët të rrëshqisnin rreth e qark në mënyrë kaotike. Edhe granatat e reja mund të funksionojnë në të njejtën mënyrë si ato.
Arma mendohet të prezantohet në lojë vetëm për një periudhë të shkurtër kohore. Sado që shumë armë kanë patur rikthime rreth sezoneve të caktuara, nuk mund të imagjinojmë që Chiller Grenade të qëndrojë përherë në Fortnite, mbi të gjitha kur i hedhim një sy edhe dizajnit të saj.
Nuk kemi ende një datë të publikimit të këtij itemi, por kur marrim parasysh ritmin e Epic me shumë mundësi do e shohim këtë armë në update-in 7.3.0 që vjen të nesërmen.